30 km langrennsløyper preppa i Brokke!
Sjølv om det godt kunne ha kome meir snø er det no køyrt opp 30 km langrennsløyper i Brokke-området i Hylestad!
Frå ljosløypa på Furestøyl går det ein trase innover mot Evardalen og Myklevatn i Hylestad vestehei. Det er også preppa løype langsetter Brokke-Suleskarvegen like inn til heilt vest i Myklevatn. Frå det punktet kan ein også ta ei anna løype tilbake mot Kvisletoppen og vidare ned mot alpinanlegget.
Bakkane opnar
I dag opnar Brokke alpinsenter.
Artikkelen held fram under annonsen.
- Hovudbakken og i alle fall ein Big jump blir opna. Det kan også vere aktuelt å opne parken, seier Merete Austad i Brokke alpinsenter til Setesdølen.
I alpinanlegget blir det i dag også pepparkake-pynting for dei minste i kafèen.