Naturvernforbundet vil ha lokallag i Setesdal
Naturvernforbundet i Agder hadde i mai møte på Stoga i Bygland, for å prate om natursaker - og med mål om å starte opp eit lokallag i Setesdal.
Naturvernforbundet registrerer stor og aukande interesse i heile Agder og har no passert to tusen medlemmer i fylket. Me merkar eit aukande ønske og behov for å verne naturen og artsmangfaldet.
I samband med dette er naturavtalen eit viktig utgangspunkt for arbeidet vårt. Naturvernforbundet har ikkje tidlegare hatt lokallag i Setesdal, og difor har me ikkje kunna ivareta våre interesser i denne delen av Agder.
Artikkelen held fram under annonsen.
No er det oppretta eit interimsstyre for å danne lokallag i Setesdal. Det skal dekke kommunane Evje og Hornnes, Valle, Bykle og Bygland, med formell oppstart frå hausten. Dette vil gi lokale naturinteresserte høve til å få hjelp og støtte til natursaker dei er opptekne av.
Me har oppretta ei eiga side på Facebook med namn Naturvernforbundet Setesdal. Følg oss gjerne!
Helsing
Fylkesstyret i Naturvernforbundet ved Peder Johan Pedersen