Nytt smittetilfelle i Evje og Hornnes

Evje og Hornnes kommune fekk i ettermiddag melding om eit nytt smittetilfelle i kommunen. Smittesporingsteamet er i gong med kartlegging av nærkontaktar, og tek kontakt med desse i ettermiddag.

Den smitta er sett i isolasjon, og blir ivaretatt av kommunehelsetenesta. Dette er det 43. smittetilfellet i Evje og Hornnes sidan starten av pandemien.

Kommunen ber om at personar som har vore innom desse butikkane og kjenner på symptom bør ha låg terskel for å teste seg: Extra Evje på måndag 6. september, eller Kiwi Evje eller Rema1000 Evje onsdag 8. september.