Stadutviklingsprosjekt i Bykle
Det blir skipa til oppstartsseminar med inspirasjonsforedrag og arbeidsverkstad i prosjektet om stadutvikling i Bykle kyrkjebygd måndag 14. oktober.
Bykle kommune skal gjennomføre ein stadutviklingsprosess i Bykle sentrum, det vil seie kyrkjebygda og grendene rundt. Kommunestyret vedtok prosjektplan i mars i år.
Bykle kommune sin ambisjon er å utforme ein strategi for berekraftig utvikling med handlingsplan. Der skal ein kome opp med tiltak og grep å arbeide etter fram mot 2030.
Artikkelen held fram under annonsen.
For alle interesserte
Alle med interesse for satsinga er velkomne til Bykle hotell under foredrag og verkstad. I første del av samlinga blir det innlegg til inspirasjon, medan det i andre bolken blir arbeidsverkstad der alle kan kome med innspel. Det blir kveldsmat under samankomsten.
