Sterk vind blåste taket av uthuset
Det har vore sterke vindkast denne veka, med både velta tre og søppeldunkar på avvege. I Vassend lengst sør i Bygland fekk Gunnar Gakkestad ei skremmande oppleving då taket på uthuset blåste av. – Eg er berre glad ungane var inne, seier Gakkestad.
Han merka godt at vinden tok tak i husa onsdag kveld. Men då han såg at taket på uthuset ikkje låg på plass lenger, reiste han ut for å prøve å feste det som var losna.
– Eg stod i stigen, og plutseleg letta taket og blåste over på andre sida, fortel Gakkestad.
Artikkelen held fram under annonsen.
Deretter rivna takstykket av huset, og landa ved sidan av.
Gakkestad var snar med å legge nokre tunge jernbanesviller over taket, slik at det ikkje skulle reise vidare og gjere meir skade.
– Eg er berre glad for at ungane var inne, og at det gjekk greit med alle. Materielle skader kan ein alltid fikse, seier han.