Strikkelaurdagen i Valle
Det var snakk om trollstrikk og strikke tilbake på retta, og ikkje minst å felle etter hæl. Faguttrykka hang i lufta når strikkeglade kvinner stilte på strikkefestival i Valle ein strålande laurdag midt i mars. Det vart halde strikkekurs både i biblioteket i Sæbyggjen, på kafeen ved Nordibø Landhandel og i husflidssentralen.
Over alt gjekk praten lett over strikketøyet, og oppslutninga var god frå starten tidleg på føremiddagen til avslutning med quiz på Nordibø utover kvelden.
– Festivalen i år var eit prøveprosjekt, men me skal gå vidare og få endå meir ut av det neste år, lova arrangørane. I år vart det kollisjon med ei rekke andre arrangement, m.a. strikkefestivalen i Kristiansand.
Artikkelen held fram under annonsen.
Samlinga i Valle gav likevel meirsmak. Dei fleste deltakarane var for veteranar å rekne, men det var også noko nytt å lære. Og når ein kjem til hælen, er det stadig nokon som vrir seg litt. Under festivalen i Valle fekk dei kyndig rettleiing av instruktørar i både hælfelling og mangt anna.
Sjå fleire bilete: