Tvillingane med saueklypping som yrke

Tvillingane og saueklypparane Inga Lill og Ruth Jane Rossevatn (25) frå Eiken kjem til Landbrukets Dag på Evjemoen laurdag og sundag for å demonstrere saueklypping.

Dei to systrene reiser rundt på bygdene og klyppar sauer som yrke, men driv også begge gard saman med sambuarane sine. Ruth Jane Rossevatn i Kvinesdal med sau og ammekyr, og Inga Lill Rossevatn på Kvåle i Hægebostad med sau, ammekyr og gris.

Mengdetrening på New Zealand

Begge er alt godt erfarne innanfor yrket som saueklyppar. Medan Ruth Jane studerte landbruksteknikk, satsa Inga Lill skikkeleg på mengdetrening av saueklypping. Ho reiste både i Skottland og New Zealand for å klyppe sauer. Til helga går turen til Evjemoen og Landbrukets Dag for å demonstrere saueklypping der.