Evjetun var nær ved å bli lagt ned
Norsk Luthersk Misjonssamband sin populære leirstad Evjerun like nord for Evje sentrum, var nær ved å bli lagt ned i fjor. Leirstaden hadde opparbeidd seg ei gjeld på rundt 7 mill. kroner og i fleire år hadde driftsresultatet vore negativt. Reginstyret ville avvikle drifta, men hovudstyret i NLM vedtok at Evjetun skulle drivast vidare. Nå er underskot snudd til overskot i drifta for inneverande år.
I mellomtida har det også blitt gjennomført ein vellukka innsamlingsaksjon som så langt i år har gitt 350.000 kroner til nedbetaling av gjeld.
Både skiftande leiarar og resten av staben ved Evjetun har også gjennomført viktige endringar som har gitt drifta ein sunnare økonomi. På bakgrunn av dette har regionstyret gjort nytt vedtak om at drifta ved Evjetun kan halde fram.
Artikkelen held fram under annonsen.
Det blir likevel understreka at ein i tida framover må ha fokus på å skape gode resultat som også kan gje rom for framtidige investeringar.
Joachim Augestad er nå konstituert som dagleg leiar etter Sven Åge Solli som frå årsskiftet er tilbake som administrasjonsleiar i NLM Region Sør.