Tala varmt for matjorda
Tidlegare leiar i planutvalet i Evje og Hornnes, Jan Rysstad, AP tok på tampen av kommunestyremøtet sist torsdag ordet og tala varmt for å ta vare på matjorda. Han viste til rundskriv frå Landbruks- og matdepartementet der kommunane blir oppmoda til å ta meir omsyn til jordvernet i arealplanlegginga.
– I mi tid som leiar i planutvalet vart eg ofte kritisert fordi mange meinte at eg var for streng i synet på å verne matjorda og nekte utbygging. Representantar for Senterpartiet var ofte langt meir i møtekomande når det var spørsmål om å ofre matjord for utbygging, sa han.
No meinte han at både administrasjon og politisk leiing i kommunen måtte merke seg oppmodinga frå sentralt hald om å skjerpe seg i så måte.
