9.000 innom Landbrukets Dag på Evje!

Trass i skiftande vêr var til saman rundt 9000 menneske innom portane på Landbrukets Dag på Evjemoen. –Det er for oss eit vanvittig godt tal, seier dagleg leiar Torbjørn Bjoraa.

Med over 9000 besøkande i løpet av landbrukshelga på Evjemoen, er dagleg leiar Torbjørn Bjoraa strålande fornøgd.

–Det er for oss eit vanvittig godt tal. Eg vart særleg positivt overraska over oppmøtet på laurdagen då det var ganske dårleg vêr. Men folk har stilt opp, og me hadde endåtil nokre som køyrde 70-80 mil på helgetur frå nordvestlandet for å gå på Landbrukets Dag og kjøpe litt verktøy, fortel Bjoraa med eit smil.

Folk såg ut til å setje pris på både å treffe kvarandre, smake på og handle lokalmat, møte politikarar og å sjå kva dei mange utstillarane viste fram.