Klar for bondelagsstyret

Valnemnda i Agder Bondelag kjem med framlegg om at sauebonden og kulturberaren frå Valle, Tor Espen Helle, skal bli ny medlem av fylkesstyret.

Samstundes innstiller valnemnda på at Inghild Håverstad frå Sirdal, rykker opp i hierakiet og vert ny nestleiar i styret. 10. mars er det årsmøte i fylkeslaget, og Knut Erik Ulltveit frå Gjerstad har signalisert at han meir enn gjerne tek attval. Den driftige fylkesleiaren er framleis motivert til å gjere ein skikkeleg jobb for bøndene på Agder.