Glenn Cato Christensen er ordførarkandidat

Evje og Hornnes Venstre har hatt nominasjonsmøte og settpartiet sin einaste kommunestyrerepresentant, GlennCato Christensen øvst på lista. Han er også den einaste førehandskummulerte kandidaten på lista.

Den vedtekne lista ser slik ut:

1 og 2: Glenn Cato Christensen, Oddeskogen (33), 3. Cecilie Kyllingstad, Grenjå (41), 4. Thomas Haugland, Svartevegen (19), 5. Kittil Olaf Barstad, Dåsnes (27), 6. Torunn Lislevand, Verksmoen (36), 7. Jan Albert Haagensen, Grenjå (67), 8. Anders Odde Torndahl, Tingberget (26), 9. Silje Christensen, Oddeskogen (36), 10. Bjørn Petter Vennesland Kysnes, Moisund (32), 11. Henrik Aasen Bjorland, Grenjå (32) og 12. Tor Birger Hodne, Bjoråvika (71).

Fin blanding

-Dette er eit fint mangfald av kandidatar som ønskjer å sette eit grønare og meir liberalt preg på  Evje og Hornnes, med fint innslag av ungdom, seier Glenn Cato Christensen som også blir lansert som partiet sin ordførarkandidat. Det er noko nytt at Venstre prøver seg på det. 

-Me meiner at det er på tide med ein meir framoverlent ordførar som ønskjer å ta tak i alle utford-

ringane som kjem i neste periode. Økonomien strammar seg til i vår kommune, og det er viktig å ha ein ordførar som meistrar å finne løysingar som kjem heile kommunen til gode. Vår kandidat vil ivareta dette på ein særs god måte, heiter det i ei pressemelding frå nominasjonsmøtet i Evje og Hornnes Venstre.

Skaffar byggjeløyve

Glenn Cato Christensen har i tillegg til å ha plass i kommunestyret også vore nestleiar i plan- og bygningsrådet.

-Det er fleire som har fått frådelt drømmetomta si eller har fått bygt drømmegarasjen etter forslag frå han, heiter det frå Venstre.