11 smittetilfelle i Evje og Hornnes
Måndag ettermiddag kom det 11. påviste tilfellet av covid-19 i Evje og Hornnes.
Dei 11 smitta er isolerte, og 203 personar sit i karantene. Dei fleste nærkontaktane til det nye smittetilfellet er busette i andre kommunar, og er difor registrerte i karantene der.
Kommunen har auka testkapasiteten ved legesenteret, og ber alle som kjenner på symptom om å teste seg. Koronatelefonen held også opent på sundagen.
Artikkelen held fram under annonsen.
I samband med smitteaukinga er det no også innført besøksforbod på Evjeheimen, i omsorgsbustadene og på Hornnesheimen. Evje ungdomsskule og Evje og Hornnes Voksenopplæring opnar ikkje opp att før tidlegast 16. oktober.
